Draft:Љупчо Гугов

Љупчо Гугов

Љупчо Гугов

Љупчо Гугов
Personal information
Full name	Љупчо Гугов
Date of birth	12 октомври 1955
Date of death	22 ноември 2020
Position(s)	Десно крило/центарфор
Senior career*
Years	Team	Apps	(Gls)
1971-1977	Дојранско Езеро
1977-1981	Кожуф
1981	Вардарски
1981-1983	Кожуф
1983-1984	Дојранско Езеро
1984	Беласица
1984-1996	Дојранско Езеро
1996	Борец Фурка
Total			(250+)
International career
1983	Аматерска репрезентација на Македонија	4
*Club domestic league appearances and goals

Љупчо Гугов (12 октомври 1955 - 22 ноември 2020) – поранешен македонски фудбалер. Има играно во Дојранско Езеро, Кожуф, Вардарски, Беласица, Борец Ф и во аматерската репрезентација на Македонија. Во својата богата фудбалска кариера играл на позиција десно крило и центарфор и постигнал над 250 гола.

Фудбалска кариера

Дојранско Езеро

Љупчо Гугов е роден на 12 октомври 1955 година, во Дојран. Уште од 10 годишна возраст, играјќи на меѓумаалски натпревари низ полјаните, бил забележан од тренерите на Дојранско Езеро. Бидејќи бил мошне брз и имал вродено осет за гол, со неполни 16 години почнал да настапува за првиот тим на Дојранско Езеро, кој тогаш се натпреварувал во Гевгелиската општинска лига.

Кожуф

Во 1977 година, Гугов ја прифаќа понудата на тогашниот претседател на Кожуф, Тихомир Крантов и преминува во екипата на Кожуф од Гевгелија, која тогаш игра во Македонската лига. Гугов брзо се вклопува и станува прв голгетер на екипата. Таму настапува 4 години.

Вардарски

Но, по 4 сезони минати во Кожуф, каде игра доста добро, Гугов не може да одолее на уште еден предизвик, односно да ја одбие понудата на богданската легенда, Томче Шимов и во 1981 година со тешко срце го напушта Кожуф и преминува во Вардарски, кој штотуку влегува во Македонската лига. Во Вардарски игра солидно, но сепак не успева да се склопи во нивната концепција и по само една полусезона го напушта клубот.

Кожуф

Се враќа во Кожуф, каде останува уште две години и речиси на секој натпревар се запишува во листата на стрелци. Игра многу дерби натпревари, но најдобар и најзначаен му е натпреварот против Работнички, кога на Градски во Скопје, постигнува гол во 89 минута за победа на неговиот тим. По овој меч доаѓа и неговото најголемо признание, покана од селекторот Илија Игњатовски да заигра во Македонската аматерска репрезентација, со која има одиграно 4 натпревари.

Дојранско Езеро

Во 1983 година, Дојранско Езеро за првпат влегува во меѓурегионалната лига (Втора Македонска лига) и Гугов се враќа во својот матичен клуб, каде почнал да ја учи фудбалската абецеда. Настапува заедно со Стојан Џинев, Попкочев, Благој и Томе Ѓоргиевски и останатите играчи на Дојранско Езеро, кои предводени од амбициозниот Никола Ѓелебешев, успеваат да го доведат клуб на само еден натпревар од Првата Македонска лига. Но за несреќа се поразени од Балкан од Скопје, со што пропаѓа шансата на златната генерација на Дојранските рибари да го достигне својот најголем фудбалски дострел.

И покрај тоа што Дојранско Езеро играл во Втората лига на Македонија, Гугов добивал понуди од повеќе квалитетни екипи и тоа : Пелистер од Битола, Победа од Прилеп, Брегалница од Штип, Вардар од Скопје, Партизан од Белград. Но, сепак најголема и најпримамлива била таа на сплитски Хајдук, со кој бил блиску до договор, но поради некои причини останала неискористена.

На 29 ноември 1983 година во Струмица е одигран прошталниот натпревар на Благој Истатов, кој се играл меѓу Беласица и Партизан. Играат повеќемина познати фудбалски имиња, како : Голац, Пауновиќ, Бјековиќ, Вуктоиќ, Јоциќ, Манце, Сребров, Дрвошанов, Вокри, а меѓу нив и Гугов.

Беласица

Зимата 1984, на покана на тренерот на Беласица, Благој Истатов, Гугов во замена на 5 играчи оди во Беласица, која во тој период игра во Втората лига на Југославија. Тој е во таа генерација која ќе остане запишана со златни букви во историјата на струмичкиот фудбал засекогаш.

Дојранско Езеро

Иако покажува квалитети и во Беласица, носталгијата кон Дојран го прави своето и по само шест месеци повторно се враќа во Дојранско Езеро. Таму игра уште петнаесетина години, а во еден период и повторно го враќа Дојран во Втората Македонска лига.

Борец Фурка

Пред да замине во фудбалска пензија, за чест на неговиот пријател, д-р Ристо Делев, прифаќа да игра и за Борец од Фурка, на кој помага да влезе во регионалната лига (Трета Македонска лига). Во еден период игра и како голман.

Фотографии

Гугов во Кожуф 1982 (4)

Гугов во Вардарски, стои прв од лево

Гугов во Беласица

Гугов во Дојранско Езеро 1985, стои трет од лево

Голгетер за пример

Дојранско Езеро-Куманово

Гугов како Милер

Хет трик на Гугов

Гугов во Аматерската репрезентација на Македонија

Два гола од корнер

Гугов во тимот на Беласица на прошталниот натпревар на Благој Истатов, клечи прв од десно

Пехари од меморијални турнири