ಚಂಡರಕಲು ಮರ:-ಚಂಡರಕಲು ಮರ
ಇದೊಂದು ಅರಣ್ಯ ಜಾತಿಯ ಮರವಾಗಿದ್ದು ಭಾರತದಲ್ಲಿ ಕಂಡುಬರುವುದು ಅದರಲ್ಲಿಯೂ ಕರ್ನಾಟಕದಲ್ಲಿ ತುಸು ಹೆಚ್ಚೇ ಇದೆ. ಬೆಟ್ಟ ಗುಡ್ಡ ಗಳಲ್ಲಿ ಕಂಡುಬರುತ್ತದೆ ಹಾಗೂ ತೋಟದ ಪ್ರದೇಶಗಳಲ್ಲಿ ಹುಟ್ಟಿಕೊಂಡಿರುತ್ತದೆ.ಇದು ಬೃಹಾದಾಕಾರ ಮರವಾಗಿ ಬೆಳೆಯುತ್ತದೆ.ಇದೊಂದು ಬೆಂಡು ಜಾತಿಯ ಮರ.ಇದು ಗ್ರಾಮೀಣ ಪ್ರದೇಶದಲ್ಲಿ ಜನರು ಸೊಪ್ಪಿಗಾಗಿ,ತೆರಕಿಗಾಗಿ,ಕಟ್ಟಿಗೆಗಾಗಿ ಬಳಸುತ್ತಾರೆ.ಈ ಮರದ ಎಲೆಯು ಅಂಜೂರ ಮರದ ಎಲೆಯ ಹಾಗೆ ಹೋಲುತ್ತದೆ.ಎಲೆಯು ಮೃದುವಾಗಿದ್ದು ಸ್ವಲ್ಪ ದೊಡ್ಡದಾಗಿಯೇ ಇರುತ್ತದೆ.ಇದು ಎಷ್ಟು ಸಲ ಕಡಿದರೂ ಸರಿಸುಮಾರಿಗೆ ಚಿಗುರುತ್ತಲೇ ಇರುತ್ತದೆ.ಇದರ ಬೀಜ ನೋಡಲು ಕರಿಮೆಣಸಿನ ಕಾಳಿನ ಹಾಗೇ ಇರುವುದು ಹಾಗೂ ಇದರ ಬೀಜವು ಅಂಟು ಅಂಟಾಗಿರುತ್ತದೆ.ಈ ಮರವು ಹಳ್ಳಿಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ . ಬಿಸಿಲಿನ ಪ್ರದೇಶದಲ್ಲಿ ನಿಧಾನವಾಗಿ ಬೆಳೆಯುವುದು ತಂಪಿನ ಪ್ರದೇಶದಲ್ಲಿ ಇದ್ದರಂತೂ ಅತೀ ವೇಗದಲ್ಲಿ ಬೆಳೆದು ಮರವಾಗಿ ನಿಲ್ಲುತ್ತದೆ.ಇದರ ಇನ್ನೊಂದು ವಿಶೇಷತೆ ಏನೆಂದರೆ ಈ ಗಿಡವನ್ನು ಕಡಿದಾಗ ಅಲ್ಲಿ ಕೆಂಪಾದ ಅಂಟು ಹೊರಬರುತ್ತದೆ.ಈ ಅಂಟನ್ನು ಹರಿದ ಪುಸ್ತಕಗಳಿಗೂ ಹಾಕಬಹುದು.