လွမ်းကတ်တေ
ဆောက်လက်စ အတွေးတိနန့် မယူမြစ်ကြီးကတော့ပုံမှန်လမ်းလျှောက်ထွက်နိန်ကျ
ရာဇဝင်ထဲကို ခေါင်းတစ်လုံးစာလောက်ဖောက်ဝင်ကြည့်ရေ ဒဏ်ရာ ဒဏ်ရာ ဒဏ်ရာတိ ထော
တာရှည်ခံအရာဝတ္ထုတိထဲကလည်း အနာကို ဆီးထည့် ပတ်တူရစ်ပနာ ရာဇဝင် ကို စကူရိုက်နန့် ဝက်အူချွတ်နိန်သံတိ
လွမ်းကတ်တေ လွမ်းကတ်ယာမလား ဆောင်းပါးထည့်သား ယူလားလို့ အမှန်ကိုရှာမရ
နှစ်တစ်နှစ်၏ နောက်ဆုံးလက်ကျန်ထဲမာ ရညှိပိုင်ကပ်နလီဖိ အသိများလွန်းရေ ရောဂါပိုးတိရန်က ကူးစက်မခံရဖို့
မောင်နှမ်းလို့ရာ ကျေကျေနပ်နပ်အခေါ်ခံလိုက်ချင်ရေ ဘဝမာ ဖြားသတ်လမန် မဖြစ်ခစွာလည်း ဂုဏ်ယူစရာတစ်မျိုး။
ပန်းသီကြိုး(ရသေ့တောင်)
၈-၇-၂၀၂၁