လူမည်းစစ်စစ်ဆိုတာ ⚜⚜⚜⚜⚜⚜⚜⚜ အသားမည်သူများအတွက် အကာအကွယ်ဂါထာ 💠⚜💠⚜💠⚜💠⚜ န ကဏှော တစသာ ဟောတိ၊
အန္တောသာရော ဟိ ဗြာဟ္မဏော။
ယသ္မိံ ပါပါနိ ကမ္မာနိ၊
သ ဝေ ကဏှော သုဇမ္ပတိ။
(ဇာ၊ ၁၊ ၁၈၄၊ ၂၀၂ )
သုဇမ္ပတိ - သုဇာနတ်သမီး၏လင်၊ တစသာ - အဆင်းအရေဖြင့်၊ ကဏှော - မဲနက်ခြင်းသည်၊ န ကဏှော - မည်းနက်ခြင်းမမည်၊ ဟိ သစ္စံ - မှန်၏၊ အန္တောသာရော - အတွင်း၌ သီလ သမာဓိ အစရှိသော အနှစ်တို့နှင့်
ပြည့်စုံသောသူသည်၊
ဗြာဟ္မဏော - ဗြာဟ္မဏမည်သည်၊ ဟောတိ - ဖြစ်၏။ ယသ္မိံ - အကြင်သူ၌၊ ပါပါနိ ကမ္မာနိ - မကောင်းမှုကံတို့သည်၊ သန္တိ - ရှိကုန်၏၊ သော - ထိုသူသည်၊ ဝေ - စင်စစ်၊ ကဏှော - မည်းနက်၏။
(ညောင်ကန်၊ နိဿယ၊ ၄၀၈၊ ၅၉၂)
(ဆောင် )
လူမည်းဆိုတာ၊ သိကြားရာ၊ သေချာမှတ်စမ်းပါ။
အသားကိုသာ၊ ကြည့်၍သာ၊ မည်းတာ မမည်ပါ။
သီလစသား၊ အနှစ်များ၊ သူအားပြည့်စုံရာ။
ထိုသူမြတ်သာ၊ ဗြာဟ္မဏာ၊ သေခြာမှတ်စမ်းပါ။
မကောင်းမှုကံ၊ ရှိသူမှန်၊ ဧကန် မည်းသူသာ။
(မြန်မာပြန်)
သုဇာနတ်သမီး၏လင် အမောင်သိကြားမင်း အသားမည်းတာနဲ့ ငမည်းမဟုတ်ပါဘူး၊ တကယ်တော့ မိမိ၏ အတွင်းသန္တာန်၌ သီလ,သမာဓိ အစရှိတဲ့ အနှစ်တို့နှင့် ပြည့်စုံသောသူသည်သာ သူတော် သူမြတ်(စိတ်ထားဖွေးဖြူ သူတော်စင်သူတော်မြတ်) မည်ပေ၏၊ အကြင်သူသည် မကောင်းမှုကံများ ရှိနေပါက ထိုသူသည်သာ စင်စစ်
ငမည်းမည်၏။