UEFA Liga e Kampionave 2021–22
editLiga e Kampionëve 2021–22 është sezoni i 67-të i turneut kryesor të futbollit i organizuar nga UEFA per klubet evropiane të futbollit, dhe sezoni i 30-të që kur u riemërua nga Kupa e Kampionëve të Evropës për Klube në Ligën e Kampionëve.
Finalja do të luhet në Stade de France në Saint-Denis, Francë. Fillimisht ishte planifikuar të luhej në Allianz Arena në Mynih, Gjermani. Sidoqoftë, për shkak të shtyrjes dhe zhvendosjes së finales së 2020-ës, vendi ku do të luhej finalja u zhvendosë një vit pas, me Shën Petersburg të planifikuar të priste finalen e vitit 2022. Për shkak të pushtimit rus kundrejt Ukrainës, finalja u zhvendos përfundimisht në Saint-Denis. Fituesit e UEFA Champions League 2021–22 do të kualifikohen automatikisht për fazën e grupeve të UEFA Champions League 2022–23, dhe gjithashtu do të fitojnë të drejtën për të luajtur kundër fituesve të UEFA Europa League 2021–22 në Superkupën UEFA 2022.
Ky sezon është i pari që nga viti 1998–99 ku organizohen tre kompeticionet kryesore nga UEFA (UEFA Liga e Kampionave, UEFA Liga e Europës dhe e sapo krijuar UEFA Liga e Konferencave). Nuk janë bërë ndryshime në formatin e Ligës së Kampionëve, por skuadrat që eliminohen nga raundi paraprak dhe raundi i parë kualifikues i Ligës së Kampioneve tani transferohen në Ligën e Konferencave të Evropës në vend të Ligës së Evropës. Chelsea ishte kampion në fuqi, por u eliminua në çerekfinale nga Real Madrid.
Më 24 qershor 2021, UEFA miratoi propozimin për heqjen e rregullit të golave si mysafirë në të gjitha garat e klubeve të UEFA-s, i cili ishte përdorur që nga viti 1965. Prandaj, nëse në një barazim me dy ndeshje dy skuadra shënojnë të njëjtin numër golësh të përgjithshëm, fituesi i barazimi nuk do të vendoset nga numri i golave të shënuar nga çdo skuadër, por gjithmonë nga 30 minutat e kohës shtesë, dhe nëse të dy skuadrat shënojnë të njëjtën sasi golash në kohën shtesë, fituesi do të vendoset me anë të penalltive.