Canticum Novum is die enigste koor in Suid-Afrika wat hoofsaaklik gewyde musiek sing en terselfdertyd oorwegend uit studente en jong werkendes bestaan. Hoewel voltyds aan die NG Moedergemeente op Stellenbosch gekoppel, is Canticum Novum ook 'n verhoogkoor wat in sy repertorium 'n wye verskeidenheid dek. Die koor is 'n vereniging van die Universiteit Stellenbosch.
Naam en Leuse
edit
Cantate Domino canticum novum! Sing vir die Here 'n nuwe lied!!
Die Stellenbosch Studentekerkkoor poog om die boodskap van die evangelie uit te dra en die Here ook as die Skepper van musiek te huldig. Dié doelwit van die koor word weerspieël in hulle leuse Cantate Domino, wat beteken: "Sing tot eer van die Here". Hierdie doelwit vind veral praktiese beslag in eredienste, waar gefokus word op Woordverkondiging en ondersteuning van die liturgie. Om hierdie rede omvat die koor se repertorium slegs gewyde musiek.
Wapen=
editDie kern bestaan uit ’n plataanblaar, simbolies ’n teken van standvastigheid, met die hoofnerf as ’n kruis. Die nege punte van die blaar verteenwoordig onderskeidelik die koorouers (boonste punt) en die agt stemgroepe. Die blomsteel is kloksgewys wat vooruitgang toon.
Cantate Domino canticum novum!
Geskiedenis
editDie aktiwiteite van die Stellenbosch Studentekerkkoor is die voortsetting van 'n vaste koortradisie wat meer as 'n eeu gelede op Stellenbosch begin het. Met die afstigting van die gemeente Stellenbosch-Sentraal in 1959, is dié tradisie verder uitgebou deurdat ‘n koor, bestaande uit studente, deur Chris Swanepoel in die nuwe gemeente gestig is. Dié gemeente sou later geboorte gee aan die sogenaamde Studentekerk soos dit vandag bekend staan.
In 1965 volg Pieter van der Westhuizen Swanepoel op as koorleier en orrelis van die gemeente. Dié posisie beklee hy vir 25 jaar lank – tot in 1990 – waarna Anton Els die pos van koordirigent tot 1995 vul. Die koor het hier die eerste naam verandering ondergaan van die Stellenbosch Sentraal Kerkkoor na Stellenbosch Studentekerkkoor.
Die huidige dirigent, Louis van der Watt, is vanaf 1996 verbonde aan die koor en die gemeente as die koorleier en orrelis. In 2001 verander die koor se naam weer na die huidige benaming: Canticum Novum.
Deur die jare het die koor baie suksesse behaal en – ook weens die studentesamestelling daarvan – ’n besondere en beminde karakter verkry. Canticum Novum is die enigste koor in die land wat slegs gewyde musiek sing en terselfdertyd net uit studente bestaan. Voltyds aan die NG Moedergemeente op Stellenbosch gekoppel, is Canticum Novum ook 'n verhoogkoor wat in sy repertorium 'n wye verskeidenheid dek. Werke wissel van Monteverdi tot Negro Spirituals.
Te midde van 'n indrukwekkende program, kan die waarde van die koor geensins gekwantifiseer word nie. Vir hulle wat in die koor sing, sowel as hulle wat kom luister, leef die waarde van die koor in die groei wat dit in mense se lewens teweegbring. Dit is die herinneringe van skerpsinnige sêgoed tydens toere, kampe en oefeninge, die mistieke band tussen hulle wat in 'n heilige lied deel - om in 'n gewyde oomblik deur die woorde en musiek diep geraak te word dat dit jou lewe merkwaardig verander.
Repertorium
editDie koor is een van min kore in Suid-Afrika wat selfs gewyde musiek sing. Tog word uitvoerings gereeld gehou. Dit het 'n tradisie geword dat die koor aan die begin van elke jaar 'n gewyde mis of soortgelyke werk inoefen en uitvoer saam met die Universiteit Stellenbosch se Simfonie-orkes. Die volgende werke is reeds uitgevoer:
- 2012 - Handel Messiah
- 2011 - Vivaldi Magnificat, Handel Dettingen Anthem, Schubert Mass in G Major D167, en Mozart Te Deum
- 2010 - Mozart Requiem
- 2009 - Handel Messiah
- 2008 - Vivaldi Magnificat & Credo en Handel Dixit Dominus
- 2007 - Vivaldi Gloria en Handel Dettingen Te Deum
- 2006 - Mozart Requiem
- 2005 - Handel Messiah
- 2004 - Handel Coronation Anthems
- 2003 - Mozart Credo Mass in C Major, K.257, en Schubert Credo Mass in F Major, D105
- 2002 - Mozart Requiem
- 2001 - Bach Magnificat, Handel Dettingen Te Deum en Rossini's Stabat Mater
- 2000 - Handel Messiah en Fauré Requiem
- 1999 - Handel Dixit Dominus en Vivaldi Gloria
- 1998 - Mozart Requiem
Dit het ook gebruiklik geword dat die koor, of sommige van sy lede, uitgenooi word om op te tree as addisionele lede van verskeie optredes van ander werke gedurende die jaar. Dit sluit in: Mozart Requiem (2007), Handel Messiah (2006) and Beethoven Symphony No. 9 (2005). Verder het die koor die 2011 die sekulere Carmina Burana uigevoer.
Die koor volg dan 'n a cappella repertorium vir die res van die jaar. 'n Wye verskeidenheid musiek word ingesluit en die repertorium sluit in werke van onder andere Monteverdi, Bruckner, Rachmaninoff, Randall Thompson, om 'n paar te noem. Ander gunstelinge sluit in Afrikaanse werke deur komponiste soos Chris Lambrect en Pieter van der Westhuizen (voormalige digirent).