El Republica de Filipinas es un isla nacion que ta forma como un arkipelago de 7,107 islas. El distancia di este tienne na mas o menos de 100 kilometro desde principal tierra de Asia y este nacion, na mismo costa weste del mar Pacifico.
Na este del Filipinas amo el Mar de Filipinas, na weste el Mar del Sur de China, y na Sur, el Mar de Celebes. Puede encuntra na sur del Filipinas el mana islas de Molucas y Celebes na Indonesia, na Sur-Este mana parte del Malaya de Borneo y directalmente, norte del Filipinas amo el Isla de Taiwan. El mana Islas de Filipinas entre na 116° 40' y 126° y 34' E. longitud, y 4° 40' y 21° 10' N. latitud.
Llamao el mana islas como Filipinas bajo na nombre del Rey Felipe II de España.
Historia
editSi Ferdinand Magallanes amo el quien ya descubri cun el mana islas del año 1521. Na encuentro entre mana Español y mana nativo Filipino, si Magallanes ya muri bajo na espada de Lapu-Lapu quien el datu del isla Mactan. Del año 1565, si Miguel Lopez de Legaspi ya llega y hecho con el mana islas como un coloña bajo del España, primero cun el Cebu y despues cun el Manila. Prinsipiando quel dia, el Filipinas ya queda un coloña España hasta del año 1898. Del año 1898, ya man encuentro el revolucion de mana Katipunero y mana soldao Americano contra cun el mana Español.