قیصر عباس عطاری* قیصر عباس 1997ء کو لساں نواب کے قریبی گاؤں کھڈیاں میں پیدا ہوئے۔ والد صاحب کا نام عبد الجان ہے جو کے آرمی سے جونیئر کمیشن آفیسر ریٹائرڈ ہیں۔ آپ کے دادا حاجی عبد المجید رحمہ اللہ تعالٰی علاقے کے معزز دینی، سیاسی، سماجی اور جرگوئی شخص تھے۔
قیصر عباس نے ابتدائی تعلیم گورنمنٹ پرائمری سکول کھڈیاں نزد کھمیاں سے حاصل کی اور مڈل کلاس تک گارنش پبلک سکول لساں نواب سے جبکہ میٹرک کی تعلیم دی مسلم ایجوکیشن سسٹم مانسہرہ سے حاصل کی۔ بعد ازاں آپ عظیم علمی و روحانی تحریک دعوت اسلامی کے ساتھ منسلک ہو گئے اور میٹرک کے بعد دینی تعلیم کے حصول کے لیے لاہور کا سفر کیا،اور جامعۃالمدینہ فیضان مدینہ دعوت اسلامی گجرات سے سن 2021ء میں دورہ حدیث شریف مکمل کیا۔ دورہ حدیث شریف کے بعد مفتی کورس کے لیے لاہور جوہر ٹاؤن میں استاذ العلماء فقیہ اعظم حضرت علامہ مولانا مفتی محمد ہاشم خان عطاری زید مجدہ کی خدمت میں حاضر ہیں۔
آپ عظیم روحانی شخصیت علامہ مولانا ابو بلال الیاس قادری کے مرید ہیں۔
آپ کے اساتذہ میں حضرات علامہ مفتی ہاشم خان عطاری صاحب، علامہ مفتی نوازش علی عطاری صاحب، علامہ نعیم بابر صاحب، متخصص فی الفقہ جناب ابو سعد ارشاد صاحب مرحوم وغیرہ قابل ذکر شخصیات کے نام آتے ہیں۔ جبکہ اس کے ساتھ ہی ہزارہ یونیورسٹی مانسہرہ سے اسلامیات میں ماسٹر بھی کر رہے ہیں۔
غیر مطبوعہ کتب 1۔ حنفی محدثین کا تعارف 2۔ علاقہ تناول پر اک نظر