தமிழகத்தில் காட்டு நாயக்கன் பழங்குடியினர் என்கிற இந்நூல், காட்டு நாயக்கர்களின் வரலாற்று சான்றுகளையும்,
வாழ்க்கை குறிப்புகளையும் மிக தெளிவாக சொல்லபட்டுள்ளது, பதிமூன்றாம் நூற்றாண்டில் தமிழகத்தில் முகம்மதியினர் படையெடுப்புகளாலும், வலுவிழந்த தமிழ் மன்னர்கள் தங்களுக்குள் சண்டையிட்டுக் கொண்டியிருந்த காலகட்டத்தில், வடக்கில் விஜயநகர பேரரசு வலுவாக இருந்து, தமிழகத்தின் படையெடுத்து, மதுரையைக் கைபற்றி, தமிழகம் முழுவதும் பாளையங்களை அமைத்து, அதன் நிர்வாகத்திற்காக தெலுங்கர்கள் குடியமர்ந்தார்கள், அவர்களுடன், காடு, மலை மற்றும் சமவெளிகளில் என தென்னகம் முழுவதும் பரவலாக பரவி இடம் பெயர்ந்தவர்களில் காட்டு நாயக்கர் பழங்குடிகளும் அடங்குவர்.
நாயக்கர் காலம் முதல் இன்றைய நவீன நாகரீக காலம் வரை, இவர்களிடம் காணபடுகிற வாழ்வியல் மாற்றங்களை நீண்ட கள ஆய்வுக்கு பிறகு கிடைத்த ஆதாரங்களை கொண்டு இந்நூல் தொகுக்கபட்டுள்ளது. குறவஞ்சி குறவர்கள், குரும்பர்கள், இருளர்கள், பளியர்கள் மற்றும் தோடர்கள் என இவர்களுக்கு காலம் தொட்டு பல நூறு ஆண்டுகளாக வரலாற்று சான்றுகள் உள்ளன, ஆனால் தெளிவான வரலாற்று சான்றுகள் கிடைக்கப்பெறாத பல பழங்குடிகள் இன்றும் இந்தியாவில் ஏராளமாக உள்ளன. காட்டு நாயக்கர்களும் இன்றைய வாழ்க்கை முறையில் தங்களுடைய வரலாறு, மொழி,பண்பாடு, கலாசாரம், மற்றும் பண்பாடு ஆகியவற்றை இழந்து, அரசிடம் கையேந்தி மீட்டு எடுக்க போராடி வருகிறார்கள். மேலும், காட்டு நாயக்கர்களை அறிந்துகொள்வதில் நாட்டம் கொண்ட மானுடவியல் அறிஞர்கள், அரசு அதிகாரிகள், அரசின் பழங்குடிகள் ஆராய்ச்சி மற்றும் நலத்துறை ஆகியோர்களுக்கு இந்நூல் மிகவும் பயனுள்ளதாக இருக்கும். - கே.கனகராஜ் நூல் ஆசிரியர்