Kusiktangko done gipin kusiko jakala.
"Kusiktang" inon "ama ni kusik" ba kuriting ko miksonga, amani kugiseponi agangipa katta onga. Kusiktangko nokdangonian manbachenggipa onga. Darang jat aro jontuan kusiktang donga, jat sika agangirkna golpo grika kusiktangchi ba kusik tangko jakala. An•ching A•chik jat gesa onge an•chingoba jatni kusik dong•a, aro uakon an•ching jatsika agangrikna jakala. Indiba da•ororo jakalengon sal somoi dingtang rorobaenga, skia manani ba batrorobaenga aro jat gipin baksa melina nangao gaake kusik gipin koba agan sike rana nangaha aro brine jakal na nangao gaaka. Indiba jatni kusikode gualja darangan maina uan anchingni chonaonin jakalgipa ongani gimin.
kusik tangko jakalgen chimoba mitam katarangkode gipin jat oniko srebae jakalaia. An•chingo ua katarang ba bimungrang dongja ongja an•ching jolo nikrongja ongja ,donga, nika salanti jakalgipan mitam kata de indiba Ua katarangko saoba gipin jat basaksa dikdiksa na agangipako kusiktangdake jaka ba srebaa. Uni aselsa ua katarangko jakal sreta kusiktangko gale mingna. Mitam manderangde kusiktangko saoba name agane onoba kusiktangkon jegalaia, gipin jatni kusik kosa kusiktang dake jakala ba agana dakaia. Indake dakanichi aman kusiko guala onga aro mani kusik ko gamchat nikja ba chonika onga. Gipin kusik dao anchingo jakalgiparangko kamao mesokatenga, uan paksagipa A•chik kusik paksagipara gipin kusik. Banggija katarangkosa anga sandie semesokatenga.
Kusiktangko jakalgija gipin kusikrangko jakalgiparangko kamao mesokatenga sulsul niangna mangen.
Kusiktang kusikgipin
1. Anti = Bazar 2.Apal/ sara = Baranda 3. Aro/ming = Aaru 4. Ampok jakginang = Choki 5.Ampok = Morha 6.Aratgipa = Alsi 7.Arara / dongja = Khaali 8.A•songchiga nirokgipa = Sarkar 9.A•wil ona = Kajina 10.Baksa/Ming = Aaru (aro) 11.Barasikgipa = Dorzi 12.Bara bichit = Rumal 13.Bara penggipa = Porda 14.Bibal = Phool 15.Chankol = Chulha 16.Chandima = Hissab 17.Chin = Nisan 18.Chuonga/ ongaiaha = Bas 19.Dosia = Bia 20.Dokdori / noknitimgipa = Chokkidar 21.Dila = Kanggal 22.Dring nok = kuturi 23.Dakmesoka = Tamashaa 24.Gamjin = Maal 25.Ginde = Atta / Maida 26.Grong = Singa 27.Gronggrika = Mela / Soba/ Sabha 28.Jakra/ manchengipa = Bone 29.Japatchi = Juta 30.Jakop = Sandal 31.Janera = Aina 32.Jajrenga = Chinta 33.Jaman/grodaka = Baki 34.Kamkana bilmana = Hukum / Rai 35.Keja bijak = Tej Patta 36.Kok = Tokri 37.Kadongani = Asha 38.Kotip = Tupi 39.Kotok = Daroga 40Kadimea = Kusi 41.Kore = Pagila 42.Kabe•a / sintia = Duk 43.Kasa duga = Adol 44.Komibeoba / komgipa = Kamse kam 45.Marangnanga = Pap 46.Mata bua = Zakham 47.Matgrik = Sipai 48.Makkon = Paneer 49.Mangini = Laabh 50.Mesokgipa / talatgipa = Sakki 51.Mikkol sia = Mansorman 52.Mimisi = Daana 53.Mipring = Nasta 54.Narang = Komila 55.Namjajok = Nosto 56.Namakam = Gun 57.Na•tok jilgipa = Pokri 58.Nokgipa = Mahajon / Malik 59.Noktip = Mondir 60.Nisia = Ruksan / Nuqsaan 61.Olakiani Nok = Girja 62.Ong• a = Thik 63.Palangko pindapgipa bara = Chadar 64.Rongdik = Daan 65.Rama = Sarak 66. Ripeng = Baju/Jora 67.Sine saa = Sordi 68.Ski•eraa = Porai / Parai 69.Sok = Dudh 70.Sokmitim taka = Dahi /Doi 71.Songgimin mini bitchi/ miwek = Daliya 72.Songjinma = Jila 73.Tangdoa/ jria = Bari 74.Tariatilonga = Sajaya 75.Tarak tarak = BakBak 76.Tapa = Chapa 77.Tongsa /Paksa = Adha 78.Uiata = khabar 79.Walbit / aro = Chaki
Pilakon mitela angni post ko chakchike poraianina. Maikoba nasong aganasikode comment ka•atbo.