RANDU PANWAR RAJPUT
مختصر تعارف نامہ
#راجہ_رانوت_عرف_راندو
اسلام علیکم بیلیوں سجنوں متروں
میں ذیشان سرور راندو تساڈی خدمت وچ حاضر ہاں۔
اج دی میڈی لکھت راجہ رانوت عرف راجہ راندو دے موضوع تے آہی۔
راجہ رانوت عرف راجہ راندو پنوار راجپوت راجہ ملن سی پنوار راجپوت دا پتر آہی۔
راجہ ملن سی پنوار راجپوت قلعہ موج گڑھ قلعہ پھولڑاں تے حکمران آہی۔
سہو چوہاناں نے قلعہ موج گڑھ تے قلعہ پھولڑاں اتے حملہ کرڈتا جندھے وچ راجہ ملن سی پنوار راجپوت کو شکست تھی گٸی ۔
راجہ ملن سی پنوار راجپوت نے اپنے جدی پشتی میر عالم عنایت علی کو حکم ڈتا کہ تو میری جد یعنی اولاد بچا۔
راجہ ملن سی پنوار دیاں ست بیویاں/رانیاں ہن۔ راجہ ملن سی پنوار راجپوت نے اپنی چھ رانیاں کو حکم ڈتا کہ کھو وچ چھال مار ڈیون کیونکہ جنگ دے دوران جے اگر کوٸ عورت دشمن دے ہتھ آجاوے تے بہت شرمندگی دا باعث گل سمجھی جاندی اے۔تے پنوار راجپوت اپنی عزت تے آنچ آون دی بجاۓ موت نو گلے لانا پسند کردے نیں۔
چھ رانیاں نے حکم دی تعمیل کردے ہوۓ کھو وچ چھالاں مار ڈتیاں۔کھو وچ لکڑاں تے مٹی دا تیل پا کے بھانبڑ بالیا ویندا ہا۔
ستویں رانی جنہاں دا نام رانی رانوتی جو قلعہ راوی دے وٹواں دی دھی آہی اس ویلے حاملہ ہن۔
راجہ ملن سی پنوار راجپوت نے اپنے جدی میر عالم عنایت علی نو حکم ڈتا کہ تو رانی رانوتی نو ایندے پیکے/ماں پیو دے کول قلعہ راوی لے جا۔
میر عالم نے آکھیا کہ میں تہاڈا جدی میر ہاں میں جنگ دی حالت وچ تسا کو چھڈ کے نہیں جاسکدا۔
راجہ ملن سی پنوار راجپوت نے میر عالم کو آکھیا کہ تیری وفا اے ہی اے تو میری جد/اولاد بچا۔ تاکہ میرا نام رہندی دنیاں تکر یاد رکھیا ونجے۔
لہذا میر عالم راجہ ملن سی پنوار دے حکم تے رانی رانوتی نو ہاتھی تے سوار کر کے تے آپ گھوڑے تے سوار ہوکے رانی رانوتی نو اوہندے پیکے قلعہ راوی لے آیا۔
سہو چوہان دے بادشاہ نے راجہ ملن سی پنوار دی گردن تلوار نال اڑا دتی تے قلعہ تے قبضہ کرلیا۔
رانی رانوتی دے ہاں پتر پیدا ہویا تے اوہندا نا ماں دے نام دی مناسبت نال راجہ رانوت رکھیا گیا۔
راجہ رانوت دی تربیت و پرورش جدی پشتی میر عالم عنایت علی نے خود کیتی۔
جس ویلے راجہ رانوت سترہ سال دا ہویا تے اک بہترین جنگجو بن چکیا سی۔بہترین تلوار بازی کردا گھڑ سواری کردا سی۔
راجہ رانوت اک ہتھ نال شیر دی دھون نو پھڑ لیندا آہی تے اوہ ویلے تکر نہیں چھڈدا جدوں تکر شیر دا شکار نہیں کر لیندا۔
راجہ رانوت تلوار دے ہکا وار نال سانڈ دی دھون پنڈے تو وکھ کر دیندا آہی۔
راجہ رانوت نے کم عمری وچ کافی جنگاں لڑیاں جندھے وچ فتوحات خاصل کیتیا۔
راجہ رانوت دی بہادری دے چرچے دور دور تکر ہونے شروع ہوگٸے۔
راجہ راندو دی بہادری دا علم سہو چوہاناں نو وی ہو گیا تے سہو چوہاناں کو اپنڑی بادشاہت خطرہ وچ نظر آٸ۔
لہذا سہو چوہاناں نے اک چال چلی۔
سہو چوہاناں دے بادشاہ نے اپنڑی دھی دا رشتہ راجہ رانوت وس تے گھل دتا۔ جو کہ میر عالم نے ہاں کردتی۔اس گل دا علم جدوں راجہ رانوت نو ہویا تے اونہے میر عالم کنو پچھیا کہ اے سہو چوہان کون ہن۔تے فر میر عالم نے راجہ رانوت نو دسیا کہ اے اوہ ہی سہو چوہان ہن جنہاں تہاڈی بادشاہت کھو لی ہاٸ تے تیرے پیو راجہ ملن سی پنوار دی دھون لاٸ آٸ۔
راجہ رانوت اے گلاں سن کے بڑا جذباتی ہوگیا تے میر عالم نو آکھن لگیا کہ ول تسا میرے رشتے کیتے ہاں کیوں کیتی آہی۔میں تے بدلہ گھن سا تے اپنی بادشاہت واپس گھن سا۔
میر عالم نے راجہ رانوت نو آکھیا کہ جو میں کرڈتا اے ٹھیک اے تے بادشاہت وی گھنسوں تے بدلہ وی گھنسوں۔
دوجے پاسے سہو چوہاناں راجہ رانوت نو مار مکاون دا منصوبہ بنایا۔تاکہ سہو چوہاناں دی بادشاہی کو کوٸ خطرہ نہ رہوے۔
منصوبہ کجھ اس طرح دا سی کہ باراتیاں/مہماناں دی نشستاں/بیٹھن والی جاھ دے تھلے بارود پور دتا جاوے تے توپاں دا منہ نشستاں ول کردتا جاوے تاکہ جس ویلے باراتی/مہمان آ سن تے توپاں دا فاٸر کھول ڈتا ونج سی تے بارود پھٹ سی تے انہاں دی بوٹی بوٹی ہو جاسی۔تے ول ساڈی بادشاہت کو کوٸ خطرہ نہ ہوسی۔
ایس گل دا علم سہو چوہان دے بادشاہ دی دھی راجکماری جندھا ویاہ دی گل راجہ رانوت نال ہوٸ آہی کو علم تھی گیا کہ اوہندے گھر والے راجہ رانوت کو ختم کرنا چاہندے ہن۔
راجکماری نے اپنے ذاتی قاصد دے ہتھ راجہ رانوت نو پیغام گھلیا کہ میرا باپ تیکو مارنا چاہندا لہذا تو بارات گھن کے نہ آوی۔
راجہ رانوت تے میر عالم نے قاصد نو آکھیا کہ تو جاکے راجکماری نو دس دے کے اساں مقررہ تاریخ تے مقررہ ویلے بارات لے کے اپڑ ساں۔
راجہ رانوت تے میر عالم گھوڑیاں تے سوار ہوکے بارات لے کے سہو چوہاناں کول اپڑ گٸے۔
قلعہ دے اندر داخل ہوۓ تے سہوچوہاناں نے میزباناں نے راجہ رانوت نو آکھیا کہ گھوڑے تو تھلے اتر جاوو سارے باراتی تے نشستاں تے براجمان ہو جاوو۔
راجہ رانوت تے میر عالم نے میزباناں نو آکھیا کہ ساڈا رواج اے جدوں تکر میزبان نشستاں تے نہ بیٹھن اس ویلے تک مہمان نشستاں تے براجمان نہیں ہندے۔ بس اتھے ہی اس گل تے لڑاٸ شروع ہوگٸی۔
راجہ رانوت نے تلوار نال سہو چوہاناں دے سپاہیاں دیاں دھوناں لانیاں شروع کردتیاں تے سہو چوہاناں نو شکست دے دتی۔
راجہ رانوت نے سہو چوہاناں دے بادشاہ دی دھون تے تلوار رکھ کے آکھیا کہ اگر میں چاہنواں اک سیکنڈ وچ تیری دھون پنڈے تو جدا کرسکنا۔ سہو چوہاناں دا بادشاہ منتاں کرن لگ پیا تے روون لگ پیا ۔۔راجہ رانوت نو اوہندے تے رحم آگیا تے اوہنو بخش دتا ۔تے سہو چوہاناں دے بادشاہ دی راجکماری دا رشتہ لے کہ سہو چوہاناں دے بادشاہ نو قلعہ موج گڑھ بخش دتا ۔۔۔
راجہ رانوت رانی راجکماری نال لے کے حضرت جہانیاں سرکار دے کول حاضر ہوۓ تے انہاں دے ہتھ اسلام قبول کرلیا۔
جہانیاں سرکار نے انہاں دا نام راجہ رانوت تو راجہ راندو کردتا کیونکہ راجہ راندو جنگ دے ویلے پیدا ہویا سی تے آپو وی اگ بہادر دلیر جنگجو سی۔راندو دے معنی لڑاٸ یا رولا پانا اے۔ ساڈے وسطی پنجاب تے جنوبی پبجاب دے کافی علاقہ وچ اے اکھر/لفظ ورتیا جاندا اے
مثلاً اوۓ کیو راند پاٸ جانا ایں۔
یا یار اے تے راند ہی بڑی پاندا اے:,
راجہ رانوت عرف راجہ راندو پنوار دے دس پتر سن
جنہاں دی اولاد اکثریت لہندے پنجاب تے چھڑدے پنجاب دے علاقیاں فیروز پور دی تحصیل بنگلہ فاضلکہ دے پنڈاں جھوٹیاں والی۔سمے والی۔لمےوالی۔تلیاں والی وچ اکثریت مسلمان آباد سی جو سنتالیس دی ونڈ تو بعد اپنے آباٸ علاقے یعنی لہندے پنجاب شفٹ ہوگٸ ۔
راندو اتحاد پنجاب دے بانی محمد ذیشان سرور راندو نے تحقیق کر کے انڈیا دے وچوں راندو تلاش کیتے نیں۔
اک سکھ راندو فیملی فاضلکہ دے پنڈ سمے والی عچ ہلے وی آباد اے۔
ہریانہ مدھیا پردیش دے علاقہ بڈگانواں تے گڑگانواں تے راجھستان دے بارڈر تے کافی ہندو تے سکھ فیملیاں آباد ہن۔
جاری اے۔۔۔۔۔۔۔۔۔۔۔۔۔۔۔
#محمد_ذیشان_سرور_راندو_پنوار